Gepubliseer in Afrikaans Hulp

Die beskrywende opstel – Deel II

In hierdie artikel word spesifiek op die paragraaf gefokus.

Die paragraaf

Die paragraaf het ook ‘n begin, middel, ‘n hoogtepunt en ‘n einde.

     Daarvoor moet ook goed beplan word! Hier volg ‘n voorstel van ‘n

     Beplanning:

  • Sin 1: Sê wat jy beskryf:  Die blou hang soomloos in die lug.
  • Sin 2-6: Beskryf die lug, die wolke, die seemeeue.
  • Sin 7 – 8: Hoogtepunt: Beskryf hoe hierdie mooi van die lug jou laat voel:
  • In die arms van die blou lug voel ek veilig. Dit vou my toe in my aardse tuiste. Ek voel ek behoort.
  • Sin 9 – 10: Beskryf wat die mooi blou lug jou laat besef:
  • Diep binne my weet ek – ek is deel van hierdie skepping! Dit is my huis. Spesiaal vir my voorberei! (Die skrywer besef en weet nou 3 dinge)
  • Nb!! Sin 7 – 10: Bring ware kwaliteit in jou paragraaf.

Nb! Ek gee net riglyne. Jy kan soveel sinne gebruik as wat jy wil. Die riglyne se doel is dat jy selfvertroue in jou skryfwerk moet kry.

Beplan vir die volgende elemente in elke paragraaf:

       Wenk: Skryf die paragraaf EERS op rof. Dan bring jy veranderinge uit die volgende lys aan:

  • Sinne MOET wissel in lengte: Party sinne is drie woorde lank of een woord, sewe woorde of tien woorde lank.
  • Sintuiglike waarneming: Beskryf wat jy sien, hoor, ruik, op jou vel voel en selfs proe. Die sigsintuig (sien) sal natuurlik oorheers in jou opstel, maar bring so nou en dan ander sintuie ook in.
  •  Voorbeeld:

Gehoorsintuig: Die stilte om my praat met my. Sê vir my nou mag ek rustig word.

  • Interessante werkwoorde maak jou opstel interessant.
  • Gebruik personifikasie, vergelyking en metafoor!
  • Betrek die leser deur retoriese vrae en ellips.

Let wel: Jy kan en mag hierdie voorstelle aanpas!

Toepassing:

Skryf ‘n paragraaf oor:

  1. Onder die stort.
  2. My gunsteling kledingstuk.
  3. Hierdie musiek praat met my!
  4. Biltong!
  5. Sjokolade!
  6. Om ‘n vuur te maak…

Skrywer:

Ek is 'n 63-jarige afgetrede Afrikaans Huistaal onderwyseres,wat op 60 afgetree het. Ek het 20 jaar vir seniors Afrikaans onderrig - 10 jaar in EA en 12 jaar in HT. Ek het twee begaafde kinders van my eie, daarom die passie vir die onderrig van begaafde kinders. Die belangrikste aspek rondom die begaafde kind is dat dit nie die ouer of onderwyser moet intimideer nie. As u dink dat u nie bevoeg is om so 'n kind te help nie, is u totaal verkeerd. Hulle het ons leiding nodig om te vlieg. Hulle vlieg net vinniger as ander! Geniet dit om te sien hoe vinnig die proses is. Ons sukkel genoeg met ander wat nie eers belangstel om te probeer nie!

4 gedagtes oor “Die beskrywende opstel – Deel II

Laat 'n boodskap

Verskaf jou besonderhede hieronder of klik op 'n logo om in te teken:

WordPress.com Logo

Jy lewer kommentaar met jou rekening by WordPress.com. Log Out /  Verander )

Google photo

Jy lewer kommentaar met jou rekening by Google. Log Out /  Verander )

Twitter picture

Jy lewer kommentaar met jou rekening by Twitter. Log Out /  Verander )

Facebook photo

Jy lewer kommentaar met jou rekening by Facebook. Log Out /  Verander )

Connecting to %s

This site uses Akismet to reduce spam. Learn how your comment data is processed.